Мікіта Камароў: сапраўдныя мужчыны – майстры на ўсе рукі

«А як нармальны чалавек павінен ставіцца да сваіх традыцый? Зразумела, з павагай. У школе ўсе мае думкі, вольны час былі прысвечаны спорту, таму, па шчырасці, я мала чаго памятаю з урокаў па гісторыі Беларусі…Тым не менш, я ганаруся сваімі продкамі. І дзядуля, і бацька ў мяне з працоўных. Яны сапраўдныя мужыны – майстры на ўсе рукі.

Сапраўдны патрыёт – гэта той, хто са сваёй Бацькаўшчынай і ў горы, і ў радасці. Цяжка заставацца беларусам і прыносіць плён сваёй роднай краіне, жывучы недзе ў Парыжы ці Сан-Францыска. Зразумела, заўсёды ёсць выключэнні. Але асабіста ў мяне больш павагі выклікаюць людзі, якія жывуць на сваёй зямлі. Як бы ім не было часам складана і цяжка, яны цягнуць штодзённа гэтую лямку, бо любяць сваю краіну і хочуць змяніць яе да лепшага», – распавёў нападаючы «зубраў» Мікіта Камароў карэспандэнту budzma.org. Чакаем поўнай версіі размовы ў праекце «Байцоўскі ген» у наступную сераду!