Андрэй Сідарэнка: Энрат набраў вельмі добрую форму

Андрэй Сідарэнка:

- Складаны вечар. Асцерагаліся, ці хопіць эмоцый на гэтую гульню, таму што папярэднія дзве былі з лідэрамі і аднялі шмат сіл. Пачатак матча пайшоў не па плане. Добра, што хутка зраўнялі лік. Трохі перабудавалі гульню. Дамагліся выніку, але не зусім задаволены каманднымi ўзаемадзеяннямi. Да таго ж, у канцоўцы атрымалі выдаленнi, хоць трэба было засушыць гульню. Галоўнае - перамога.

Раней вы крытыкавалі легіянераў, сёння яны закінулі тройчы.

- Так, выйгралі свой мiкраматч. Ёсць некаторыя пытанні па гульні, але нарэшце больш пазітыву. Зараз смяяўся тут: сёння з раніцы трэніраваў з Хаудэнам кідок, займаўся індывідуальна. Трэба, напэўна, часцей.

Тайм-аўт у другім перыядзе з чым звязаны?

- Супернік валодаў ініцыятывай, мы дапускалі памылкі. Быў пераломны момант, таму вырашыў узяць перапынак, каб хлопцы адпачылі і ня страцілі канцэнтрацыю.

Кітараў не можа закінуць ўжо 61 матч.

- У кожнага ў камандзе свая роля. Але, наогул, у нас вельмі кароткая лаўка. Задача Кітарава - не прапускаць, гуляць ў меншасці.

Наколькі задаволеныя гульнёй Энрата?

- Дзесьцi з 18 снежня Юнас набраў вельмі добрую форму, як у мінулым сезоне. Планавалі, што Карнавухаў правядзе нейкія матчы, але Юнас хацеў гуляць. Нагрузка была вялікай, але Энрат сёння выглядаў добра.

Сцяпанаў выйшаў у першым звяне...

- Спадзяюся, гол надасць яму ўпэўненасці. Андрэй - вопытны гулец, далі шанец, выпусцілі ў канцоўцы.

Што з Буйніцкім?

- Пакуль не зразумела, наколькі сур'ёзна траўма. Думаю, у бліжэйшых матчах не дапаможа. Ніяк не атрымліваецца ў нас згуляць у поўным складзе ...

Уладзімір Орсаг:

- Закінулі ў першай жа змене, але потым нібы спыніліся ў першым перыядзе. Гэта значна паўплывала на ход сустрэчы. Трэба гуляць усе 60 хвілін.