Маршрут заўзятара на гульню з «Лакаматывам»

У клубнай зоне, як заўжды, для ўладальнікаў абанементаў будзе працаваць «Дынама-ТБ-шоу». Астатнія ўбачаць яго на ўсіх экранах арэны, а таксама на нашым канале Youtube. ВАЖНА: на гульні з яраслаўцамі  мы пачнем выдаваць уладальнікам абанементаў унікальныя значкі «АдзінзДынама»!

Апрача звычных «Зубрыка» і Дынамамэна на арэне вы сустрэнеце калядоўшчыкаў з «казой»

Заклікаем прыходзіць на гульню ў вышыванках альбо народных строях. Самы каларытны заўзятар атрымае прыз ад клубу!

Як заўжды шмат цікавага на другім паверсе падтрыхтавалі для вас нашыя партнёры: у фае трыбуны В запальваць будзе забаўляльная зона «Кабандас», таксама там вас чакае фотазона «Лікві Молі»; у фае трыбуны А глядзіце акрабатычнае шоу ад VPlab, а таксама рабіце сэлфі на фотазоне тэлеканалу ВТВ

Аквагрым працуе на другім паверсе ў фае трыбуны А. Тамсама можна намаляваць плакаты ў падтрымку #намроднайкаманды

Дзяцей чакаем у вялікай забаўляльнай зоне на шостым паверсе трыбуны А

Але спяшайцесь на трыбуны: за 15 хвілінаў перад гульнёй адбудзецца яскравае каляднае шоу з удзелам гурта «Палац». Успамінаем дынамаўскі гімн разам!

Дзяўчыны з групы падтрымкі Ice Girls рыхтуюць адмысловы калядны нумар

Ну, а потым спяваем гімн Рэспублікі Беларусь разам!