Энрат едзе ў Мінск, Граньяні і Хаудэн – у пауфінале

«Трэ крунур» супрацьстаялі немцы, і ўжо ў першым перыядзе ў браму, якую абараняў Віктар Фаст (наш Юнас Энрат застаўся ў рэзерве), трапілі дзве шайбы пасля кідкоў Крысціяна Эрхафа і Марсэля Нёбельса. У трэцім перыядзе шведы здолелі зрабіць камбэк: Антон Ландэр, Патрык Херслі і Мікаэль Вікстранд згулялі вынікова, на што супернікі адказалі адзінай шайбай Дамініка Кахуна – 3:3 па выніках асноўнага часу гульні. Але ж у авертайме Патрык Раймер прынёс перамогу Германіі.А вось канадцы здолелі перамагчы фінаў. Праўда, да перамогі з дынамаўцаў мае дачыненне толькі Марк-Андрэ Граньяні, які заняў звычнае месца ў трэцяй пары абаронцаў разам з Кодзі Голубефым. А вось Куінтан Хаудэн назіраў за гульнёй з трыбуны.

Доўгі час у гульні назіралась безгалявая раўнавага, пакуль на самым пачатку трэцяга перыяду мацнейшым кідком не адзначыўся Максім Наро.