Стваральнікі дынамаўскага гімну святкуюць падвойны юбілей

У красавіку «Палац» святкуе 25-гадовы юбілей, а ягоны лідар Алег Хаменка – 50-ы дзень нараджэння.

ХК «Дынама-Мінск» далучаецца да віншаванняў!

Падтрымаць «Палац» і проста паслухаць добрую музыку можна будзе 4 красавіка ў рэстаране-піваварне «Сябры».

 

Артур Гаўрус, форвард ХК «Дынама-Мінск»:

- Атмасфера вакол гульні, поўныя трыбуны, гучная падтрымка – усё гэта робіць непасрэдны ўплыў на хакеістаў, дапамагае нам перамагаць у самых складаных паядынках. Гімн клубу, які гучыць напачатку, у перадгульнявым шоу, стварае патрэбны настрой, запальвае нас і заўзятараў на барацьбу. «Палац» напісаў для «Дынама» сапраўды гімн: гэтая музыка насычана энэргіяй і гонарам. Важна, што наш гімн спяваюць па-беларуску і ў ягонай музыке чутныя беларускія матывы. «Дынама» на прасторах Кантынентальнай хакейнай лігі прадстаўляе не проста сабе самога, а ўвесь наш хакей, нашую сталіцу, усю нашую краіну. Мы – менавіта беларуская каманда, і «палацаўскі» гімн гэта выдатна адлюстроўвае. Ад імя клубу віншую гурт з юбілеем і спадзяюсь, што ў наступным сезоне «Палац» абавязкова выканае дынамаўскі гімн на арэне і яшчэ раз дапаможа нам перамагчы.