Крэйг Вудкрафт: «У нас па-за гульнёй брыгада па рэалізацыі большасці. Але мы працуем над гэтым»

– Які стан здароўя Бренана Менела і Раяна Спунера? Ці прымуць яны ўдзел у матчы з «Металургам»?

– Абодва траўмаваныя, яны не згуляюць сёння.

– З-за адсутнасці Менела і Спунера, вядучых гульцоў у большасці, дзеяннi каманды ў гэтым кампаненце не ладзілiся. Ці знайшлі вы ключы да таго, каб палепшыць рэалізацыю колькаснай перавагі без гэтых хакеістаў?

– Так, траўмаваныя два лепшых хакеісты пры гульні ў большасці ва ўсей лізе – Раян Спунер і Бренан Менел. Траўмаваны таксама лепшы гулец у лізе па гульні перад чужымі варотамі Роб Клiнкхамер, таксама аднаўляецца пасля пашкоджання Брэндан Козун. Гэтыя гульцы рабілі нашу большасць эфектыўнай. То бок, у нас вылецела цэлая брыгада па рэалізацыі пауэрплэя. Але мы працуем над гэтым. У сённяшнім матчы хочам паказаць, што ўмеем гуляць у большасці і ў такой сітуацыі. І я спадзяюся, што ў нас усё атрымаецца.

– Сённяшні супернік займае адно з апошніх месцаў у лізе па гульні ў першых перыядах. Наколькі важна для «Дынама» пачаць гэты матч на высокіх хуткасцях і ціснуць з самых першых хвілін?

– Любую гульню важна пачынаць упэўнена, хутка, якасна. Калі ваша статыстыка праўдзівая, то, безумоўна, нам трэба стартавы адрэзак правесці максімальна хутка і вынікова.

– Сёння будзе складаны матч: шмат лідэраў адсутнічае. Як заўзятары змогуць дапамагчы камандзе?

– Вядома, заўзятары вельмі дапамагаюць нам, і ўсе хлопцы гэта адчуваюць. Мы хочам, каб гледачы атрымлівалі задавальненне ад нашай гульні. Мы вельмі шмат працуем, і нам важна, каб заўзятары прыходзілі на нашы гульні, нягледзячы на тое, хто сёння будзе ў складзе. Усе хлопцы будуць біцца да канца, усе хочуць, каб горад і заўзятары ганарыліся сваёй камандай.