Раман Гарбуноў: «На мой погляд, мы сёння выглядалі лепш»

– Трэба закідваць у большасці, калі ёсць такія моманты. Але сёння нам удалося закінуць дзве шайбы толькi ў роўных складах. На мой погляд, мы сёння выглядалі лепш, наша каманда мне больш спадабалася.

– Завяршылася серыя з пяці матчаў, сустракаліся з моцнымі супернікамі, чатыры з іх ідуць сярод лідараў лігі. Шэсць ачкоў – гэта годны вынік?

– Зараз усе гульні важныя, таму трэба набіраць максімальную колькасць балаў. Вынік серыі ня выдатны, але нармальны. Трэба было і з маскоўскім «Дынама», і сёння браць ачкі.

– Так ужо выйшла, што сёння былі змененыя спалучэннi ва ўсіх тройках. Наколькі не хапіла каманднай «хіміі», каб перамагчы?

– Я б не сказаў, што мы не згуляныя. Мы дзейнiчаем па адной сістэме, таму няма розніцы, хто з кім у звяне. Калі кожны будзе ведаць, што рабіць і рэалізоўваць гэта на пляцоўцы, то ўсё будзе працаваць. Згулянасць, вядома, таксама важная: калі ты ўвесь сезон разам з партнёрамі, то ўсё прасцей.

– У снежні Крэйг казаў пра тое, як важна, каб знайшліся новыя лідары. І ты стаў адным з такіх, цягнуў каманду. Зараз яна сутыкнулася з новым выклікам – гэта адсутнасць лідараў па гульні ў большасці. Як каманда з гэтым спраўляецца, і што неабходна рабіць, каб дабівацца поспехаў у наступных паядынках?

– Трэба адпрацоўваць новыя спалучэнні. Час для гэтага ёсць. Трэба гуляць стрымана. Забыцца, што кагосьці няма. Трэба проста выходзіць на іх месцы і даказваць, што ніхто не горш. Згодны, што Спунер і Мэнел вельмі добра рабілі сваю працу. Але я думаю, што калі паставіць іншых хлапцоў і растлумачыць, што рабіць, то атрымаецца не горш.