Шэйн Прынс прызнаны лепшым форвардам тыдня ў КХЛ

Капiтан «зуброў» у трох матчах набраў 6 (4+2) ачкоў. Шэйн дапамог мінскаму «Дынама» на хатняй арэне адолець СКА, а затым здабыць перамогу ў Рызе.! У сустрэчы з піцерскім СКА акрамя закінутых шайбаў запісаў на свой рахунак два асісты. Да таго ж форвард не завяршыў ні адзін з матчаў з адмоўным каэфіцыентам карыснасці пры агульным паказчыку «+2». Усяго Прынс зрабiў 17 кідкоў па варотах суперніка, здзейсніў адзін сілавы прыём, а супраць яго апаненты двойчы парушалі правілы.

Усяго ў 36 гульнях сезона Прынс набраў 36 (20+16) балаў.